Александар Белов

Александар Белов е македонски пејач, а познат е по учеството во академијата на Операција Триумф Операција триумф. Тој беше главен фаворит во академијата и тоа од 13 гала вечери, тој 13 пати беше изгласан за фаворит на публиката, меѓутоа на крајот заврши на третото место. Александар Белов во февруари учествуваше на Македонскиот избор за песна на Евровизија.

Александар Белов е роден на 7 февруари 1987 година во Неготино. Завршил основно музичко училиште, отсек виолина. Неговото образование го продолжува и во средното музичко училиште. Белов свири на виолина и флејта. Во 2003 година на 16 годишна возраст учествува на тинејџерскиот фестивал „Мегабит“ во Битола со песната „Солзи и Тага“. Во својата тинејџерска кариера тој има повеќе песни како што се : „Рана“ , „Седумнаесет“ и др. Иако доста талентиран и музикален, Александар не успева баш најдобро со музиката па се посветува и на други работи, меѓутоа никако не ја запоставува музиката. Преку ден работи во повеќе спортски обложувалници низ Македонија, а навечер свири низ ноќни клубови заедно со својот бенд. Во 2008 година решава да го промени сето тоа и се пријавува во Балканскиот Стар Академи или Академија на ѕвезди Операција триумф. Во шоуто учествуваат претставници од 5 бивши Југословенски земји (сите освен Словенија) и еден од нив е Александар.

Александар се пријавува во Операција триумф и на негова среќа тој е еден од избраните кандидати. Тој успева да влезе во потесниот круг од 16 кандидати на нултата гала вечер, а за тоа доста му помага и неговата брилијантнта изведба со Каролина Гочева хитот се „Се лажам себе“. Во следните гали тој истотака има голема чест и пее со доста големи музички имиња од Балканот. Тој успева многу брзо да го грабне срцето на публиката, а доказ за тоа е тоа што од 13 гали, публиката го избра Александар 13 пати за фаворит. Меѓутоа на крајот тој не победува, а завршува на третото место. Можеби една од причините за непобедување е скандалот којшто го направи Хрватската Нова ТВ. Имено на рекламата за гласањето за финалистите на Операција триумф, наместо бројот на Александар е ставен бројот на црногорката Нина Петковиќ , со што гласовите дадени за Александар оделе за Нина. Меѓутоа иако не ја зема победата му се ветува блескава кариера.

Не најдов тема за Аце па отворив..